Aap ke khayalon se..........

Aap ke khayalon se fursat nahi milti,

Hame ek pal ki rahat nahi milti,

Mil to jati hai saans kuchh,

Bas apki ek jhalak nahi milti.

Yaadon mein hum........

Yaadon mein hum rahien ye ehsaas rakhna,

Nazaron se dur pal dil ke paas rakhna,

Ye nahi kahte ke sath raho,

Dur sahi par humien yaad rakhna.

Kisi fakir ka kabhi aitbar.........

Kisi fakir ka kabhi aitbar mat karna,

Dosti ki hadon ko kabhi paar mat karna.

Kho doge use hamesha ke liye,

Jo achha lage use kabhi pyar mat karna.

Sabko dost banane ki adat..............

Sabko dost banane ki adat hai hame,

Apani alag pehchan banane ki adat hai hame,

Kitna bhi gehra zakaham de koi,

Utna hi zayada muskarane ki adat hai hume.

Teri dosti hum........

Teri dosti hum is tarah nibhayenge,

Tum roz khafa hona hum roz manayenge,

Par maan jana manane se,

Warna yeh bheegi palkein le ke kaha jayenge.

Har raste ka mukam nahi hota ....

Har raste ka mukam nahi hota,

Dil ke rishto ka naam nahi hota,

Khoja hai aapko dil ki roshni se,

Aap jaisa Dost kisi ke liye aam nahi hota.

Yakin karo ham par hum tumhe chod nahi sakte ....

Yakin karo ham par hum tumhe chod nahi sakte.

Dosti ki in hawaon ka rukh mod nahi sakte.

Jis rishte ko banane mein lag gaye barson humko,

Us rishte ko pal bhar mein tod nahi sakte.

Pyaar chhupta nahin chhupane se ....

Pooch lo tum bhi iss zamaane se,

Pyaar chhupta nahin chhupane se.

Paas aate ho chhute ho baat karte ho,

Kabhi matlab se kabhi bahane se.

Gam ko bechkar ....

Gam ko bechkar khushi khareed lenge.

Khwab bechkar zindagi khareed lenge.

Hoga imtihaan to dekhegi duniya,

Khud ko bech kar aapaki khushi khareed lenge.

Pyar kiya nahin jata pyaar to ho jata hai ....

Pyar kiya nahin jata pyaar to ho jata hai.

Dilon ki mehfil main aksar dil kho jata hai.

Yeh to khuda ki den hai jo hum jage hain warna,

Agar sayar aap jaisa ho to aadmi jagta nahin so jata hai.

Log samajhte hain..........

Log samajhte hain humne unhe bhula rakha hai,

Woh kya jaane dil me chhupa rakha hai,

Dekhe na koi unhe meri aankhon mein.

Isliye palkon ko gira rakha hai.

Jab tanhai mein aapki yaad...........

Jab tanhai mein aapki yaad aati hai,

Hontho pe ek hi fariyad aati hai,

Khuda aapko har khushi de,

Kyonki aaj bhi hamari har khushi aapke baad aati hai.

Kis dil se unki wafa........

Kis dil se unki wafa mangun,

Kis pal se unse milne ki taareekh mangun,

Mujhe to dar hai unhe kho dene ka,

Kis Khuda se unko paane ka naseeb mangun.

Dil ki mehfil me......

Dil ki mehfil me ujala kijiye,

Ek pyar bhara geet gaaya kijiye,

Zindagi khoobsurat ban jayegi,

Apnon ke liye thoda waqt nikala kijiye.

Ankhein to pyar me........

Ankhein to pyar me dil ki zuban hoti hai,

Sachi chahat to sada bezuban hoti hai.

Pyar main dard bhi mile to kya ghabrana,

Suna hai dard se chahat aur jawan hoti hai.

Nigahien aapki.......

Nigahien aapki pehchan hain hamari,

Muskurahat aapki shaan hain hamari,

Khyal rakhna apna kyonki,

Saansein aakpki jaan hain hamari.

Tumse roz milne ko..........

Tumse roz milne ko dil chahta hai,

Kuchh sunne sunane ko dil chahta hai.

Tha aapka manane ka andaaz aisa,

Ki phir se rooth jane ko dil chahta hai.

Sans lene se bhi.......

Sans lene se bhi teri yaad aati hai,

Na lene se meri jaan jati hai,

Kisise kahun ki sanns se main zinda hon,

Jabki sans se pehle teri yaad hai.

Dil cheer ke...........

Dil cheer ke dekh lo mera,

Tasveer usi ki hogi,

Kabhi hile agar is dil k darwaze,

Toh aahat usi ki hogi.

Waqt guzarta raha...........

Waqt guzarta raha par saanse thami thi.

Muskara rahe the hum par aankhon mein nami thi.

Saath hamare yeh jahan tha,

Par jane kyon aapki kami thi.